الغلط فين(ياريت تقولولى رايكم وتقولولى اعمل ايه)

انا النهارده عايزه اخد رايكم فى حاجه حصلتلى النهارده ومش فاهمه مين الغلط ومين الصح
انا فى بنى ادم بحبه وبحترمه اوى زى اخويا واكتر وكنت اتمنى اننا نفضل صحاب طول عمرنا
بس كنت مخبيه عليه حاجه تخصه ومتهمهوش فى نفس الوقت لانها مفهاش اى غلط فى حقه بس هو فسرها انى بدل خبيت عليه حاجه يبقى كنت بعرفه عشان مصلحتى فى الحاجه دى وقالى انه مش عايز يعرفنى تانى ياترى الغلط فين
انى خبيت عليه ولا انى قلتله بعد ما الموضوع خلص ولا منه انه فى اول موقف وفى حاجه بسيطه زى دى

يتخلى عنى ومقدرش يسامحنى

بصراحه الحل التانى هوه الى صح

لو فعلا كان بيحبك وبيحترمك ومحتاجج

مكنش اتخلى عنك بلسهوله دى

وكدا الغلط من عنده اكيد

بس ده ميمنعش ان المفروض مكنتيش تخبى عليه
بس خلاص الى حصل حصل

بس برده بلاش تسرع فى القرارات وفكرى فى الموضوع كويس

بصراحه يا صفصوفه ده يتوقف على نوع الحاجه اللى انتى خبتيها ممكن انتى تكونى شايفها عادى بس هىمهمه بالنسبه له بس برده هو غلطان المفروض لو هو صحبك بجد كان يفهم وجه نظرك وان انتى عملتى كده عشان خاطر متزعلهوش والصحاب المفروض يفهمو بعض وميزعلوش من بعض وانشا الله ترجعوا احسن من الاول بس هو تلاقيه زعلان شويه فى الاول

بصراحة اللى اعرفو ان لوصحاب جامد عمرهم ما بيشيلو من بعض .. او يخبو حاجة عن بعض دى على حسب نوع الموضوع اللى خبتية بردو .. لو صحاب جدا ومش تقدرور تستغنو عن بعض وبتحترمو بعض جدا ... فى مناقشة انتى خبيتى لية عنو وهو لما استقبل الموضوع استقبلو بحساسية لية ولية موش ناقشك انو زعل فى اية .. المفروض تعرفو من بعض ويكون فى مناقشة بينكم وبدل بتقولو صحاب يبقى اكيد عارفين شخصية بعض .. من رأى تكلمية تانى وشوفى الموضوع دا ديقو فى اية .. ربنا ميجيبش مشاكل تانى ... اتمنى لكى السعادة يا صفصف... تحياتى kepoo

انا بجد متشكرة اوى على مروركوا واهتمامكم بالموضوع ونصيحتكم ليا
وبوجه شكر خاص للاسلام لانه خلانى افكر فى طريقه احل بيها الموضوع
بس للاسف يا جماعه انا تقريبا كده صلحت الغلط بغلط اكبر
واحب اقلكم ان كل حاجه فى الدنيا دى نصيب ومفيش حد بياخد اكتر من نصيبه واللى مكتبله

يا صفصوف انتي جبتي م الاخر يا بنتي

فعلا كل حاجه نصيب ومحدش بياخد اكتر من نصيبه
وزي ما اسلام قال الاعتزار مش عيب مدام احنا حاسيين بغلطنا
حاولي تفكري مع نفسك وتاخدي قرارك
واكيد بما انك حسيتي بأنك غلطتي وكان فيه ندم
يبقي فيه حل كويس ان شاء الله

صفصوفة زعلانة
شمع القهوة يبنى بالشمع البمبى الشفـتـشى
بصى يا صافى
انتى بتقولى انها حاجة مش مهمة طبعا ده فى نظرك انتى
بس طبعا بدل هو عمل كده ووصلت بيه انه يبيعك بالشكل ده يبقى كانت بالنسبة له حاجة خطيرة
واساسا بدل هى حاجة تخصه يبقى اكيد تهمه
يمكن انتى شايفاها من زاوية واحدة
انتى كنتى لازم تحطى نفسك مكانه وتشوفى هل الحاجة دى تهمك ولا لا
متحكميش على الحاجة الا لما تشوفيها من كل الزوايا
وبعدين برضه هو لو انسان كويس وصاحبك واخوكى بجد وانىت غالية عنده
مكانش باع بالشكل ده
سورى بقه هو كده ميستاهلش الزعل ده كله
يمكن يكون كلامى صعب بس اعزرينى انا عاوز مصلحتك مش اكتر
وعموما لو انتى لسه باقية عليه اعتزيله مرة واتنين وحاولى تفهميه وجهة نظرك ولو مقبلش اعتزارك يبقى ميستاهلش كل ده والغيه من حياتك

شكرا يا نور على نصيحتك ليا
انا بجد حفكر فى كلامك كويس
انا بس كنت متمسكه بيه لانى شايفه انه حد يستاهل وربنا يقدم اللى فيه الخير

انا بصراحة مع نور فى رأيه لانك بجد لازم تحطى نفسك مكان الانسان قبل ماتحكمى عليه
وشايفة انك تعتذرى مرة واحدة وتشرحيله فيها وجهة نظرك بس ماتقعديش بقى كل شوية تعتزرى لحد مايسامحك لا فى ايه يعنى وزى ما نور ونونيا قاله هو لو صحابك وبيحبك وبينكوا عشة ماكنتش تهون عليه بالساهل كده
بس واضح ان الحاجة دى تهمه اوى لان عمل ثورة جامدة