تفضل تجوز مين

ازيكو ياشباب هسالكو سؤال (للشباب والبنات)
وتجوبو بصراحه وتقولو ليه اخترت الاجابه دي
السؤال لازم تختار اجابتين من الاربعه
السؤال اولا للشباب تختار عروستك
تكون ايه
(علي خلق ومحترمه-غنيه-جميله-حسبها ونسبها)
السؤال ثانيا للبنات تختاري عريسك
يكون ايه
(مقطع السمكه وديلها-غني-علي خلق ومتربي-نسبه)

طبعا على خلق ومتربى لانه لو مقطع السمكه وديلها حيغلبنى ولو غنى ففى مثل بيقول ياواخد القرد على ماله وانتم عرفين الباقى ولو نسبه ممكن النسب ده فى لحظه او بكلمه كله يروح لكن خلق ومتربى ممكن يفكر صح ويعمل فلوس ويعرف ناس كويسه ويبقى حد من المعروفين فى المجتمع ويحسسنى بحبه بجد ويحترمنى من غيرمايقطع السمكه وديلها

احترامها طبعا بس قليلين اوى دلوقتى للاسف

وانا اختار الاختيار الاول انها تكون على خلق ومحترمة
وبصراحة طمعان شوية فى الاختيار التالت انها تكون جميلة
لكن طبعا الاولوية انها تكون على خلق ومحترمة

فعلا انتم بتختارو صح ومفيش مانع يانور انه تكون جميله بس لو جميله من جواها حتكون احسن

انا بصراحه حختاره على خلق ومتربى ونسبه
لان باختصار دى المواصفات اللى اهلى حيوافقم عليها
وانا مش عايزة وجع دماغ

مع احترام وجهة نظرك يا صافى
ليا ملحوظة رفيعة
لازم تفكرى فى نفسك برضه

علي خلق ومتربي طبعا لانه بكدة هيحافظ عليا
ويتقي ربنا فيا والجمال مش كل حاجه يانور
الجمال جمال الروح لانها لو جميله من جواها ده
هينعكس عليها من بره وانا مش معاكي ياصفصوفه
لانك انتي اللي هتتجوزي مش اهلك وليكي الحق انك تختاري
شريك حياتك بنفسك وعجبتني وجهة نظرك يانونيا انتي وهيما
وميرسى علي ردكم ويارب تتجوزوا كلكم اللي قلبكو يختاره
بس انا الاول يارب هههههههه

مرسى ياتونا ونايس توبيك

علي خلق ومحترمه

حسبها ونسبها


مش مهم الجمال لان الجمال جمال الروح
ويعنى ممكن تكون مقبولة الى حد ما




وانا ممكن لو قولت فعلا الشروط الصحيحة لاختيار الزوجة الصالحة



1 - ان تكون ذات دين
2- ان تكون حسنة الخلق
3- ان تكون من اصل طيب وعائلة متدينة
4- ان تكون جميلة
5- ان تكون بكرا
6- ان تكون ولودا
7- ان تكون ذات مال
8 - الا تكون ذات قرابة قريبة من الزوج
9_ ان تكون من ذوات العقل

ودية توجيهات التشريع الاسلامى فى اختبار الزوجة

وتقبلوا مرورى

ميرسي يا كوماندا علي مشاركتك
وربنا يرزقك بالزوجه الصالحه

طبعاااااااااااااااا لازم تكون بنت ناس وعلى خلق ومتربية

وتكون متدينة ودى اهم حاجة علشان تصونى وتحفظ كرامتى

كل دى طبعا صفات اولية

وطبعا برضوا تكون على قدر من الجمال



شكراااااااااااااااااااا

بجد موضوعك جامد فعلا لازم كل واحد يكون محدد مواصفات لشريكه حياته
ومش شرط يلاقى كل المواصفات لان مفيش انسان كامل
وانا عن نفسى ؟
ا تكون رقيقه جدا
ورومانسيه جدا جدا
وتعرف ربنا
هاديه
ورزينه
ومتعلمه
وبنت ناس
وجميله
بس كفايه بس القيهم ..............................

ميرسي ليكي ياشجره
وبجد وجهة نظرك عجبتني اوي