المعبر لاااااااااااااااااااااااا يا نوررررررررررررررررررررر

اولا شكرا يا شجرة على متابعتك واهتمامك
بس انا كنت عاوز اوضح انى مكانش قصدى اننا نفتح المعبر لدخول اهالى غزة
انا بس كنت عاوز فتحه لتلات حاجات بس وهى :
1- دخول الجرحى وعلاجهم عندنا وبعدها يرجعوا بلدهم بدل مفيش مكان فى المستشفيات.
2- دخول العربيات بتاعت الادوية الى بقالها شهر مركونة برا دى وفى ادوية منها باظت .
3 - دخول الاطباء العرب .

ولو عملنا كده على الاقل حنرتاح من بصة العالم لينا على اننا عملاء وخاينين
ومتقنعنيش يا شجرة ان ممكن يكون فى اى سبب اننا مندخلش على الاقل العلاج لفلسطين
ومفتكرش ان فى اى حاجة حتتاثر سواء احنا او البلد او نظامها السياسى والاقتصادى لما ندخل الادوية والدكاترة والجرحى.
على الاقل يبقى اسمنا ساهمنا بحاجة
اصل مينفعش نفضل متكتفين كده والعالم كله بيتحرك
فنزويلا قطعت كل علاقتها مع اسرائيل واحنا لسه بنصدرلها الغاز بسعر اقل من قيمته السوقية
ولا زلنا بنشترى كل المنتجات الامريكية واليهودية والحياة وردى خالص ولا كأن فى حاجة

انا بصراحة اللى خلانى اتحرك هو لما شوفت الصور اللى فى الموضوع ده
https://anna7.ahlamontada.net/montada-f7/topic-t912.htm
بجد من اصعب المناظر اللى شوفتها فى حياتى

شجرة احنا حتى لو حنضر مش مشكلة بس الناس اللى بتتقطع هناك دول زنبها ايه
لو حتى دخلوا احنا مش حنموت من الجوع
صدقينى انتى لو اتفرجتى على الصور اللى قولتلك عليها والمناظر اللى على القنوات مش حتفكرى فى السياسة اساسا ولو كان فى ايدك تدخليهم بيتك كنتى حتعملى كده

ومستنيين باقى الاعضاء ورايهم ايه فى الموضوع ده

احييكي يا شجرة علي تحليلك الجميل للموضوع دة لان احنا فعلا في ورطة وهو ده اللي عايزاة اسرائيل بس احنا كان في ايدينا حاجات كتير نعملها ومش عارفة مستنيين ايه يعني مثلا السفير الاسرائلي لسة هنا بيعمل ايه والغاز والمنتجات بتاعتهم اللي احنا بنشتريها وبفلوسنا
يروحوا يموتوا بيها الاطفال والا برياء احنا لازم يكون لينا دور علي الاقل بالمقاطعة
بس برضه انا حاسة ان في تربص بمصر من الدول العربية كلهم باصين لينا علي اننا
ي ايدينا حل المشكلة كلها واحنا مش عايزين وهم كلام وبس يعني قطر مثلا اكبر
دولة عربية تتعامل مع اسرائل وبتهاجم مصر وشوهت صورتنا اعتقد عن قصد لسحب الريادة من مصر
واحنا مش عايزين نديهم الفرصة دي

ميرسى يا ساندى ولكن مع احترامى لوجهة نظرك
بس انا شايف ان مش وقت خلافات بين دول عربية دلوقتى
خلينا فى العدو الاساسى ومش وقت خلافات بينا وبين بعض
كفاية انهم قسموا بعضهم قسمين
قسم يروح المؤتمر الاقتصادى بتاع الكويت وقسم يروح الدوحة يحضر القمة العربية
بجد حاجة تقرف حتى مش عارفين يقعدوا مع بعض
وانا معاكى فى موضوع المقاطعة ده يا ساندى وده يمكن اسهل حاجة فى ايدينا ولازم نعملها كلنا

اقتباس :

بس انا كنت عاوز اوضح انى مكانش قصدى اننا نفتح المعبر لدخول اهالى غزة

بالظبط كده بس اللي كان ظاهر من كلامك هو انك مستاء من غلق المعبر
وعلي فكره المعابر مش مغلقه يانور يعني معبر رفح بيدخل منه الادويه
لكن المعابر التانيه بيدخل منها المعونات والمواد الغذائيه وده بيتفتش وعليه رقابه جامده
خوفا من تهريب الاسلحه
وعلي فكره في ناس شايفه ان فتح المعابر دون مراقبه هو الحل
لكن ده مينفعش تماما

اولا لاننا بكده بنساعدهم انهم يحققو غرضهم وهدفهم وهي

انهم يحصلو علي الارض الفلسطينيه

كلنا عارفين ان الفلسطينيين شعب بيعاني من زمان قوي قوي

يعني طبيعه الشعب بقت قويه وبتتحمل

وشافو مأسي كتتتتتير جدا

لكن دايما بقول كلمتي المشهور وهي ان الكيل طفح

اللي اسرائيل بتعمله ده جريمه حرب

لانها بتقتل مواطنين مدنين مش بتقاتل فرق مقاومه او جيش

دول حتي بيضربو البيوت ضرب عشوائي

والاهالي بقو مشردين في الشوارع وراحو قعدو في المدارس

والنهارده سمعت في الجزيره انهم ضربو المداررررررس

المشهد مؤلم جدا جدا ومفيش انسان يستحمله

وبالتالي فكيل الناس دي بيطفح وهما كل يوم بيشوفو ولادهم وازواجهم بيموتو


وبالتالي في بعض النفوس (مش هقدر اسميها ضعيفه لان مفيش نفوس ضعيفه
تسحمل كل اللي هما بيشفوه ده) ولكن نفوس داقت المراره كتييييير اوي

وبالتالي زهقت وعاوزه اي معبر او اي مخرج يخرجها من الارض

لكن في ناس تانين ماشيين بمبدأ يا قاتل يا مقتوووووول وفضلو قاعدين في اراضيهم

اقسم بالله يا نور في بعض الاسر بتبقي عارفه ان منازلهم هتتعرض للقذف

لكن الاسره كلها بتفضل في البيت وكلهم بيموتو شهداء

بقي بذمتك فيييييييييييين شعب زي ده؟؟؟؟؟؟

واساسا شعب زي ده ليه الفخر ويفتخر

لانهم صامدين لغيت دلوقتي
اللي اعرفه ان الحرب الشريفه هي اللي بتبقي راجل لراجل وسلاح لسلاح

لكن الفلسطينيين معزولين من الاسلحه

ده غير ان الاسرائيلين الجبنااااااء مش بيقتلو غير اطفال ونساء
وقليل من الرجال

اقتباس :

انا بس كنت عاوز فتحه لتلات حاجات بس وهى :
1- دخول الجرحى وعلاجهم عندنا وبعدها يرجعوا بلدهم بدل مفيش مكان فى المستشفيات.
2- دخول العربيات بتاعت الادوية الى بقالها شهر مركونة برا دى وفى ادوية منها باظت .
3 - دخول الاطباء العرب .ولو عملنا كده على الاقل حنرتاح من بصة العالم لينا على اننا عملاء وخاينين
ومتقنعنيش يا شجرة ان ممكن يكون فى اى سبب اننا مندخلش على الاقل العلاج لفلسطين
ومفتكرش ان فى اى حاجة حتتاثر سواء احنا او البلد او نظامها السياسى والاقتصادى لما ندخل الادوية والدكاترة والجرحى.
على الاقل يبقى اسمنا ساهمنا بحاجة
اصل مينفعش نفضل متكتفين كده والعالم كله بيتحرك

ليه يانور مهو الفلسطينين بيجو يتعالجو هنا في العريش وبيرجعو بلدهم تاني

وانا معاك احنا لازم نوصل الادويه والاطباء
وده كمان لان غزه كان فيها 16 مستشفي ومستوصف
وكلهم تعرضو للقذف ولم يتبقي سوي 3 مستشفيات بس
يعني تلت مستشفيات قايمه عليها دووووووووله بحالها

لكن للاسف مصر خايفه زي ما قولتلك ان الفلسطينين يستوطنو في مصر

وكمان لان اليهود قالو ان الاسلحه بتدخل للمقاومه عن طريق مصر

وبالتالي مصر (سمعا وطاعه يا مولاااااي) قفلت المعابر

ده غير كمان الانفاق اللي كانت بين مصر وفلسطين واليهود طبعا دمروها

يانور مصر خايفه علي نفسهاااااااااا لان مصر بصريح العباااااااره ولا عندها سلاح
ولا عندهاااااااااااا جيش وبالتالي خايفه من اي تلكيكه لاسرائيل في مصر
وخاصه ان اسرائيل دلوقتي ملهاش كبيرررررررررر
وبالتالي مصر شايفه انها تحل الموقف بطريقه سلميه وانا بصراحه بسميها طريقه سلبيه ومش سلميه

ومثال كده

الام اللي بتحب ابنها اووووووي وضربته جاااااااامد اووووي وبعدين وهي بتطبطب عليه
وهو لسه بيتألم بردو ومستمر في العياط ...راحت ضرباه تاننننننننننني وبتقوله انت بتعيط ليه دلوقتي؟


اهو مصر عامله كده مع فلسطين

بتطبطب عليها وتقول لها معلش وفي نفس الوقت بتصدر لليهود الغاز علشان يضربوهم بيه

طبعا موقف متناقض بشكل وااااااضح جدا

وعارف الحكومه بتبرر ده بأيه؟؟؟؟؟؟؟

بتقول ان في شركات اجنبيه استثماريه في مصر هي اللي بتصدر الغاز ومش الحكومه

ومصر عايشه علي الاستثمارات دي وبالتالي مينفعش اننا نمنع التصديررررر


طبعااااااااااااااااااااااااا كله كلام قررررررررع اووووووي اووووي

وكدبه ابريل بتاعه السنه الجديده

ولما تقولهم طيب بتصدروه مدعم ليييييييييه؟؟

متلاقيش اجابات

اقتباس :

انا بصراحة اللى خلانى اتحرك هو لما شوفت الصور اللى فى الموضوع ده
https://anna7.ahlamontada.net/montada-f7/topic-t912.htm
بجد من اصعب المناظر اللى شوفتها فى حياتى

شجرة احنا حتى لو حنضر مش مشكلة بس الناس اللى بتتقطع هناك دول زنبها ايه
لو حتى دخلوا احنا مش حنموت من الجوع
صدقينى انتى لو اتفرجتى على الصور اللى قولتلك عليها والمناظر اللى على القنوات مش حتفكرى فى السياسة اساسا ولو كان فى ايدك تدخليهم بيتك كنتى حتعملى كده

نوووووووور انا شوفت التوبيك بتاع الصور ومش معني كلامي ان انا معنديش قلب او معنديش دم

انا اساسا مش بستحمل المناظر دي

لكن معني كلااااااااااااامي اننا نفكر في طريقه تانيه اننا نقدر من خلالها نحل المشكله
نحل المشكله مش بعواطفنا ودمعتين علي خدودنا بعد لما نشوف الصوره
المعادله صعبه اووووووي يانور
واللي حصل النهارده خير دليل علي موقف حسني مبارك
وانا مش بدافع عنه ...لكن اول قرار يعمله صح
هو قفل المعابر لكن فكررررر لبعييييييييييد
اولا انه ميضرش بلده ثانيا انه يحاول يجمع العرب ويكلم حماس علشان يشوفو حل
وبالفعل ده اللي حصل النهارده وحماس اعلنت توقفها عن اطلاق النيران لمده اسبوع
علشان اليهود يخرجو من غزه
وانا اتفرجت النهارده علي المؤتمر بتاع شرم الشيخ
همااااا اينعم قعدو يقولو شعارات وكلام فاضي لكن بردو اهم عملو حاجه
وحسني مبارك في موقف لا يحسد عليه لانه بيعاني من نفس اللي عاني منه السادات
بس اثبت ليا انه بيبص لقداااااام ومش بيبص تحت رجله وانه يفتح المعابر وخلاص

انا عاااااارفه انك اتأثرت بالمناظر وانا كمان اتأثرت بيها ولكنا اتأثرنا
بس رئيس الدوله هو اللي المفروض ميتأثرش وميخليش عواطفه تسيطر عليه
ولازم يحااااااول يفكر تفكير ايجابي
زي قصه زرقاااااااء اليمامه بالظبط
طبعا مش هحكي القصه لاني رغيت كتييييير اووووووي
واسفه بجد علي الرغي الكتير بس كان لازم اوضح لك الشكل العام ككل

احيكي يشجره لانك ادتنا الفرصه نتكلم مع بعض علي حاجه تهمنا كلنا
انا معاكي في كل اراك
سينا مصريه ومينفعش يدخلها الفلسطنين ويعملو فيها زي ما عملو في المسطوطنات بتاعت الالجئين اللي في الاردن او لبنان
وفي نقطه مهمة اوى
وجود الفلسطنين في غزه مهم اوي
لان بخرجهم تصبح فلسطين كلها ملك لليهود ولا وجو للقضيه الفلسطنيه
ام اننا بنقفل المعبر فدا محصلش الادويه والمصبين بيدخلو ويخرجو من المعبر
وحماس هيا اللي قفلت المعبر قبل كده في وش الحجاج
ونفسي اسال قاده حماس ليه بيقتلو الظابط المصري
مش دم المسلم علي المسلم حرام
تعرفو لو اليهود هما اللي موتوه كان الامر اسهل بكتير اقلها اسمهم يهود
ونفسي اسال الدول اللي بتشتم في مصر سوال
نفسي حد يطلع دوله قدمت ربع اللي عملته مصر للعرب
الشعب المصري كان هنا مش لقي يكل وعبد الناصر باعت جشه اليمن علشان ثوره اليمن وهما بيحرقو سفرتنا
لا فعلا ناس اصيله
صاحب قناه الجزيره هو رايس الوزا القطري ورفض يقفل مكاتب التجاره الاسرالي خوفا علي العلاقات بين اسرائيل الشقيق وقطر معلش اللي خلهم يعملو قواعد امريكيه عسكريه يخليهم يعملو اكتر من كده
اما الفلسطنين اللي بيطلبو المساعده مننا يريت يطلبوها من رجال الاعمال الفلسطنين اللي بيسهرو عند رقصات شارع الهرم وينقطوهم بالوف الدولارات
وفي حديث للرسول فيما معناه
لكم الله ياهل الشام
وسوريا احب اهنيها علي الاعتزار اللي قدمته لاسرائيل لان احد الجنود ضرب نار غلط بدون قصد علي الجولان المحتل
قبل ما يطلبو بمساعده مصر يحررو الجولان اللي محدش سمعلها صوت من 73
والاخ حسن نصر الله
مش فاهم طبيعه الشعب المصري
فيه مثل بيقول ادعي علي ابني واكره اللي يقول امين
اننا نهاجم حكومتنا ونشتمها فدا عادي عندنا ولكن ان النقد يكون من بره فدا بيخلي الشعب مع الحكومه المصريه
والمظهرات من طرف اخوان المسلمين المعترضين علي طول الخط
مصر اكبر من الجميع ومش محتجين دليل من حد
واكبر دوله بتسعد الاسلام وبرضو مش محتجين اثبات
ولو اسرايئل تقدر تضرب مصر كانت عملتها اسرائيل مش مستنيه حجه او سبب
ولو مصر متاكده من ان العرب رجاله وهيقفو معاها لو فيه حرب كانت حربت
بس رحم الله امرا عرف قدر نفسه مصر لو حربت اسرائل تبقا بتحارب امريكا والاتحاد الاوربي والعالم كله
اليهود دلوقتي هم قاده العالم وبانتها مصر ينتهي العرب فبلاش نعمل حاجه نندم عليها طول العمرزي حرب 67 اللي العرب السبب فيها


تحيا مصر واالنصر لغزه والعزه لله

معلش يا جماعه نا حخرج عن الموضوع شويه بس وانا بزاكر النهارده ماده اسمها تنظيم دولى قريت حاجه مهمه اوى ولازم اكتبهلكم يمكن تقدروا توضحولى اللى فهمته كمنهج عليا ولكن مفهمتهوش كقاعده قانونيه دوليه والكلام كان كالاتى
((قد يتم التغيير الاقليمى نتيجه قيام دوله او اكتر بالتوسع على حساب غيرها باستخدام القوه ولقد كانت هذه الوسيله شائعه فى فترة مبكرة من تاريخ نشاة القانون الدولى ولم تكن قواعده تنازع فى مشروعيتها الا انه فى العصر الحاضر اصبح من قبيل القواعد القانونيه الدوليه المستقره انه لايمكن اكتساب الاقليم عن طريق استخدام القوه كما ان اى تغيير اقليمى يتم عن هذا الطريق يصبح تغيير غير مشروع لا يقره القانون الدولى ..
وعلى هذا اذا قامت دولة ما بشن حرب على جيرانها ونجحت فى اقتطاع اجزاء معينه من اقليم الدول المجاورة ومارست عليها سلطاتها فان ذلك لايؤدى الى اكتسابها هذه الاجزاء حتى ولو ادعت لنفسها ذلك .. ولعل المثل القريب هو ادعاء اسرائيل بحقها فى ضم بعض اجزاء الاراضى المحتله اليها فهذا ما لايقره القانون الدولى كما لا يمكن الاعتراف لها به ولقد اعلنت الامم المتحده فى اكثر من مناسبه عدم اعترافها باى تصرف تقوم به اسرائيل من شانه ادعاء اى مكاسب اقليميه فى الاراضى العربيه المحتله))
طيب يا جماعه اللى انا مقدرتش افهمه لما امريكا كقاعده قانونيه دوليه مش موافقه على تصرف اسرائيل فى اقتطاعها اجزاء معينه من الدول ازاااااااااااااااااااااى ؟ بتمونها اسلحه وزخيرة وازاى ده لحد النهارده بيحصل ولا هو كلام كتب ومناهج دراسيه علينا وخلالالالالالالاص ياريت حد يجاوبنى

صفاء متستغربيش ده مجرد منهج
وانا اتعودت ان المناهج بتاعتنا عمرها ما كان ليها صلة بالحقيقة
ومتستغربيش ان اسرائيل مش بتنفذ المنهج ده لان اسرائيل ليها منهجها وبروتكولاتها الخاصة بيها
ومش محتاجة انها تنفذ منهج حد او تقلق من حد
اساسا لما مجلس الامن يقرر اى قرار لو الدولة منفزتهوش بيبقى فى عقابات دولية صارمة
وطبعا ولا حصل حاجة لاسرائيل لما منفذتش اخر قرار للمجلس
اسرائيل بقت فوق الكل

اللي بينجح اي رايس امريكي في الانتخابات
هما رجال الاعمال اليهود لانهم هما اللي بيدلو الاصوات
وكمان بيصرفو علي حملته الانتخابيه
فشي طبيعي ينفز اللي اليهود عيزاه
يعني بوش =كلنتون=اوباما=اي حد
بتختلف الوشوش والدور واحد
عبد لليهود
اول تصريح لاوباما
من حق اسرائيل تدافع عن نفسها
والقانون الدولي الحقيقي
البقا للاقوي
والقانون المكتوب قانون الضعفا

amr كتب:

احيكي يشجره لانك ادتنا الفرصه نتكلم مع بعض علي حاجه تهمنا كلنا
انا معاكي في كل اراك
سينا مصريه ومينفعش يدخلها الفلسطنين ويعملو فيها زي ما عملو في المسطوطنات بتاعت الالجئين اللي في الاردن او لبنان
وفي نقطه مهمة اوى
وجود الفلسطنين في غزه مهم اوي
لان بخرجهم تصبح فلسطين كلها ملك لليهود ولا وجو للقضيه الفلسطنيه
ام اننا بنقفل المعبر فدا محصلش الادويه والمصبين بيدخلو ويخرجو من المعبر
وحماس هيا اللي قفلت المعبر قبل كده في وش الحجاج
ونفسي اسال قاده حماس ليه بيقتلو الظابط المصري
مش دم المسلم علي المسلم حرام
تعرفو لو اليهود هما اللي موتوه كان الامر اسهل بكتير اقلها اسمهم يهود
ونفسي اسال الدول اللي بتشتم في مصر سوال
نفسي حد يطلع دوله قدمت ربع اللي عملته مصر للعرب
الشعب المصري كان هنا مش لقي يكل وعبد الناصر باعت جشه اليمن علشان ثوره اليمن وهما بيحرقو سفرتنا
لا فعلا ناس اصيله
صاحب قناه الجزيره هو رايس الوزا القطري ورفض يقفل مكاتب التجاره الاسرالي خوفا علي العلاقات بين اسرائيل الشقيق وقطر معلش اللي خلهم يعملو قواعد امريكيه عسكريه يخليهم يعملو اكتر من كده
اما الفلسطنين اللي بيطلبو المساعده مننا يريت يطلبوها من رجال الاعمال الفلسطنين اللي بيسهرو عند رقصات شارع الهرم وينقطوهم بالوف الدولارات
وفي حديث للرسول فيما معناه
لكم الله ياهل الشام
وسوريا احب اهنيها علي الاعتزار اللي قدمته لاسرائيل لان احد الجنود ضرب نار غلط بدون قصد علي الجولان المحتل
قبل ما يطلبو بمساعده مصر يحررو الجولان اللي محدش سمعلها صوت من 73
والاخ حسن نصر الله
مش فاهم طبيعه الشعب المصري
فيه مثل بيقول ادعي علي ابني واكره اللي يقول امين
اننا نهاجم حكومتنا ونشتمها فدا عادي عندنا ولكن ان النقد يكون من بره فدا بيخلي الشعب مع الحكومه المصريه
والمظهرات من طرف اخوان المسلمين المعترضين علي طول الخط
مصر اكبر من الجميع ومش محتجين دليل من حد
واكبر دوله بتسعد الاسلام وبرضو مش محتجين اثبات
ولو اسرايئل تقدر تضرب مصر كانت عملتها اسرائيل مش مستنيه حجه او سبب
ولو مصر متاكده من ان العرب رجاله وهيقفو معاها لو فيه حرب كانت حربت
بس رحم الله امرا عرف قدر نفسه مصر لو حربت اسرائل تبقا بتحارب امريكا والاتحاد الاوربي والعالم كله
اليهود دلوقتي هم قاده العالم وبانتها مصر ينتهي العرب فبلاش نعمل حاجه نندم عليها طول العمرزي حرب 67 اللي العرب السبب فيها


تحيا مصر واالنصر لغزه والعزه لله

بجد يا عمرو مش عارفه احييك ازاي بجد

بسقفلك واحيك الي ما لانهايه

لان بجد قلما وجدت شاب في سننا مهتم بالقضيه

ومهتم انه يتابع احداثها ويعرف تفاصيلها

ويعرف الحجات اللي بتم من تحت الطربيزه

اما بالنسبه للنقطه اللي اتكلمت فيها عن انهم شتمو في مبارك

فأنا معاك اننا كلنا مش طايقين البلد ومش رضينا اللي بيحصل فيها

لكن في نفس الوقت ربنا سبحان وتعالي امرنا اننا لا نثور علي الرئيس او الحاكم

وخير دليل اثبت للعالم كله ان مبارك مش عميل

انه هو اللي كان ورا توقف اطلاق النيران وخروج الجيش الاسرائيلي

من خلال المؤتمر اللي عمله بالتفاوض مع حماس

اينعم حسحس سعات بيطينها وبيعكها ...بس بجد اثبت كفاءه المره دي

وبشكرك مره تانيه وليك مني جزيل الشكر علي ردك ياعمرو
وانا بجد فخوره ان في واحد في المنتدي جاتله الشجاعه ودخل يقول رأيه بصراحه

safsofa كتب:

معلش يا جماعه نا حخرج عن الموضوع شويه بس وانا بزاكر النهارده ماده اسمها تنظيم دولى قريت حاجه مهمه اوى ولازم اكتبهلكم يمكن تقدروا توضحولى اللى فهمته كمنهج عليا ولكن مفهمتهوش كقاعده قانونيه دوليه والكلام كان كالاتى
((قد يتم التغيير الاقليمى نتيجه قيام دوله او اكتر بالتوسع على حساب غيرها باستخدام القوه ولقد كانت هذه الوسيله شائعه فى فترة مبكرة من تاريخ نشاة القانون الدولى ولم تكن قواعده تنازع فى مشروعيتها الا انه فى العصر الحاضر اصبح من قبيل القواعد القانونيه الدوليه المستقره انه لايمكن اكتساب الاقليم عن طريق استخدام القوه كما ان اى تغيير اقليمى يتم عن هذا الطريق يصبح تغيير غير مشروع لا يقره القانون الدولى ..
وعلى هذا اذا قامت دولة ما بشن حرب على جيرانها ونجحت فى اقتطاع اجزاء معينه من اقليم الدول المجاورة ومارست عليها سلطاتها فان ذلك لايؤدى الى اكتسابها هذه الاجزاء حتى ولو ادعت لنفسها ذلك .. ولعل المثل القريب هو ادعاء اسرائيل بحقها فى ضم بعض اجزاء الاراضى المحتله اليها فهذا ما لايقره القانون الدولى كما لا يمكن الاعتراف لها به ولقد اعلنت الامم المتحده فى اكثر من مناسبه عدم اعترافها باى تصرف تقوم به اسرائيل من شانه ادعاء اى مكاسب اقليميه فى الاراضى العربيه المحتله))
طيب يا جماعه اللى انا مقدرتش افهمه لما امريكا كقاعده قانونيه دوليه مش موافقه على تصرف اسرائيل فى اقتطاعها اجزاء معينه من الدول ازاااااااااااااااااااااى ؟ بتمونها اسلحه وزخيرة وازاى ده لحد النهارده بيحصل ولا هو كلام كتب ومناهج دراسيه علينا وخلالالالالالالاص ياريت حد يجاوبنى

بصي يا صفصوفه يا حبيبي
اولا اسرائيل دلوقتي ملهاش كبير

وزي ما قولت انها رفضت تنفيذ قرار مجلس الامن

ثانيا وده الاخطر انها استخدمت سلاح فسفوري وده كمان سلاح محرم وممنوع دوليا

طيييييييييييييب استخدمته لييييييه؟؟؟؟ ومحدش قال لها كده كخ ليييييه؟؟

طبعا مفيش اجابات

ده غير انهم دلوقتي عاملين محاكمات ضد اسرائيل بسبب الدمار اللي سببته في فلسطين

ده كمان يا صفصف السلاح الفسفوري ده سلاح مدمر جدا وسام

وده هيأثر بالسلب طبعا علي اطفال فلسطين في المستقبل

لانه بيأثر علي الجلد وبيعمل احتراق للجلد واللحم

يعني بينتزع اللحم والجلد ولم يبقي سوي العظام

ومن هنا اقدر اقولك طالما عملت كل ده

يبقي بتسئلي لييييييه هما سايبينها تحتل ارض مش ملكها

عيبنا يا صفاء ان المقررات بتاعتنا في اتجاه والواقع في اتجاه اخر

يعني مثلا انا بدرس طرق التدرس والمناهج اللي بناخدها

وازاي المفروض تتنظم (موووووووووال كبير يعني)

المهم انه اقدر اقولك بمختصر العباره

ان مناهجنا دي مناهج عقيمه من الدرجه الاولي

كان نفسى اللى بنتعب علشان نتعلمه يبقى حقيقه عشان نبقى فعلا اجيال مثقفه وعلى درايه بالواقع طيب اذا كنت انا فى كليه محتاجه وقت كتير علشان اقدر ازاكر مناهجا طيب حجيب وقت منين علشان اقرا واعرف الحقيقه متهيالى الغلط كده من كذا ناحيه
على راى احمد بتاع الشعر (يا شعب بكرة تفرج)
وميرسى يا شجرة على اهتمامك بالموضوع
لانى ساعتها حسيت اننا فى واقع مؤلم فعلا

بالنسبة لفتح المعبر ومشكلة اللاجئين اللى قالت عليها شجرة اسمحيلى ياشجرة اقلك
ان لو على مشكلة اللاجئين محلولة وزى ماقال نور احنا مش هنموت من الجوع
بس الفخ اللى اسرائيل بدبره بجد انها فعلا تزنق مصر فى خانة اليك بس مش انها تعملها مشكلة لاجئين لأ ده لو مصر فتحت المعبر فلسطين كلها هتهرب على سيناء
وممكن بعد كده اسرائيل تيجى تطارد الفلسطينين بحجة انهم هاربين وتبقى دخلت تانى مصر
ورجعت ريما لعادتها القديمة وهى طبعا لا عايزة فلسطينين ولا حاجة هى عايزة مصر
اللى هى جزء منحلمها (من النيل للفرات)ولو قلنا ان اسرائيل مثلا مش هتدخل بحجة الفلسطينين ممكن الفلسطينين كمان كام سنة كده يتكاثروا وتبقى سينا كلها فلسطينين
ويطالبوا بقيام دولة ويقولوا انا سينا من حقهم لان هما ليهم حق فى دولة زى باقى العرب وطبعا مش هيفكروا يرجعوا فلسطين ويحرورها تانى لانهم مش هيرجعوا للجحيم ونار اسرائيل تانىوساعتها مصر بقى هتحارب فلسطين ولا اسرائيل لما تدخل هى كمان لتحقيق حلمها
ومن معلوماتى ان من ضمن اتفاقية السلام ان يكون فى علاقات اقتصادية وسياسية
بينا وبين اسرائيل ولو مبارك طرد السفير الاسرائيلى ولا قطع العلاقات ده معناه الغاء الاتفاقية
وبالتالى اسرائيل تضربنا فى اى وقت هو اينعم اسرائيل اكيد هتضربنا بس اهو الاتفاقية مأخرة ده كتير
بس مش معنى كده ان احنا مش فى ايدينا حاجة لأ احنا ممكن زى ماقال نور
نفتح المعبرعشان نبعت ادويةومعونات لاهالى غزة وفلسطين
ولازم ننبذ الخلافات اللى بينا كعرب لان العدو الحقيقى بيستغل الخلافات دى عشان ياكل التورتة اللى هى الوطن العربى وزى ما انتوا عارفين ان احنا مصر كريز التورتة اللى هتحلى بيها
طب ده دورنا كدولة وطبعا احنا كشعب مالناش يد فى حاجة منحطش ايدينا على خدنا
ونقول ما باليد حيلة لأ احنا كشباب لحد النهاردة بشترى شيبسى وبيبسى..الخ
طب مانقاطع ياجماعة احتجاج مننا على اللى بيحصل طب ماندعيلهم وده مش سلاح الضعفاء
بالعكس ده اقوى من السهام فى صدور الاعداء زى ماقال اشرف الخلق رسول الله (عليه الصلاة والسلام) لوعرفنا نتبرع نتبرع بس اهم حاجة ان احنا نركز على الدعاء واعرفوا انه بيوصل لربنا مهما كنا عصاة وكمان نركز على السلاح الاقتصادى اللى بيوجعهم اوى لانهم ناس ماديين
اللى هو سلاح المقاطعة وتحياتى للانحاوية